Pakistan Mein Mazhabi Nafrat Aur Urdu Zabaan Ka Siyasi Istamaal.

Jinnah nay Pakistan bunaanay k liay Punjab divide karwa diya. 20 Laakh Punjabi murwa diay. 2 Croor Punjabi displace karwa diay. Mazhabi nafrat ki jo aag Jinnah nay lagaaee ous mein Punjabi Qoom ab tak jul rahi hy.

Jinnah nay British agenda aur UP, CP waalon k political interests par kaam kar k, jo zulm Punjabi Qoom par kiya, ous ka injaam acha nahi.

Islam ko political interests k liay istamaal karnay say Pakistan mein Islam bhe politicize ho chuka hy aur Urdu ko Pakistan ki Qoomi Zabaan bunaanay k bawajood, 68 saal k baad bhe na Pakistani naam ki Qoom bun saki aur na bunti nazar aa rahi hy.

Qoomon ki apni Zameen, Zabaan, Rasmain aur Rawaaj hotay hain. Pakistan, Punjabi, Sindhi, Pathan, Baloch Qoomon ka mulk hy.

Pakistan ki Punjabi, Sindhi, Pathan, Baloch Qoomon ko Urdu Zabaan boolnay par majboor kar k, Gunga Jumna ki Rasmain ikhtiyaar karnay par majboor kar k, UP, CP k Rawaaj apnaanay par majboor kar k, Pakistani Qoom kysay bunaaya ja sakta hy?